Gàllias – MedievalOc https://medievaloc.com Lo Mond Medieval Tue, 07 Oct 2025 15:46:40 +0000 oc hourly 1 https://wordpress.org/?v=7.0.7 https://medievaloc.com/wp-content/uploads/2018/07/cropped-favi_trans-32x32.png Gàllias – MedievalOc https://medievaloc.com 32 32 EN 533, VISIGÒTS E FRANCS S’ACARAN A LA MALENA, UNA BATALHA OBLIDADA https://medievaloc.com/2025/10/02/en-533-visigots-e-francs-sacaran-a-la-malena-una-batalha-oblidada/ Thu, 02 Oct 2025 18:22:35 +0000 https://medievaloc.com/?p=7352 Cristòu Stécoli.- 530, quand lei fius de Clodovèu I (ò Clovís) possedissián ja la màger part dau territòri dei Gàllias anticas, la Septimània èra lo darrier rèste de l’ancian Reiaume de Tolosa encara dins lei mans dei visigòts, que la màger part èran estats rebutats au sud dei Pirenèus. Teodoric I (ò Tièri), rèi de Rems, es a dire dau futur reiaume merovingian d’Austràsia, possedissiá alòr l’Auvèrnha e tot lo flanc occidentau dau Massís Centrau fins qu’au sud d’Albi.

En 533 (puslèu que 542, coma es citat de còps), mandèt son fiu Teodebert (ò Tibèrt) per conquistar la Septimània, acompanhat de Gontaire (ò Gontier), lo fiu dau rèi Clotaire de Nèustria. Après la presa de Rodés, Gontaire s’entornèt e lo laissèt solet per conquistar Alès, Lodeva, Dian e Cabrièiras. Fin finala, leis armadas de Teodebert, encara estacionadas dins lo sud, prestèron una man ais autrei rei francs dins sa lucha còntra lei burgondis e assaièron puei d’assubjectir la vila ostrogotica d’Arle.

La mòrt del paire

L’arqueologia a confirmat aqueu racònte agiografic.

Ailà, la novèla li arribèt de la mòrt imminenta de son paire, lo forçant a tornar en Austràsia per si far proclamar rei sota lo nom de Teodebert I en 534. La vita d’Ilari de Mende (ò Ilari de Jàvols, ò sench Èli) cònta l’afrontament entre leis armadas francas e visigòtas au luec dich «Melena», ambe l’intercession dau sant avèsque de Gavaudan.

L’arqueologia a confirmat aqueu racònte agiografic gràcia a la descubèrta dau site, pròchi lei ribas dau Tarn, entre lo Causse Mejan e lo Causse de Sauvatèrra. Dins la comuna de La Malena, qu’a conservat un nom fòrça similar, de roínas conegudas coma Castèl Merlet tresplomban lo vilatge actuau. Foguèron cavadas de 2008 a 2011 e son d’efèct datadas dau sègle VI. Per leis arqueològs, lo site es apassionant.

Arquitecturalament, es una granda abitacion aristocratica que sa forma es intermediària entre lo castrum, lo castellum, e la villa galloromana. De la villa, a retengut un complèxe termau complet, provesit per una granda cisterna que sa talhadura dins la ròca a degut èstre una proesa. Ja medievau pasmens, inclusiá probablament una glèisa. Maugrat sei fortificacions, sa foncion èra mai ostentativa que militària.

Aqueste article es estat escrich per lo site Arqueò d’Aquí, dins l’encastre d’una collaboracion amb MedievalÒc.

L’article complet se pòu legir sus lo site d’Arqueò d’Aquí. (https://arqueodaqui.net/2025/08/25/lo-castrum-de-castel-merlet-un-site-de-legenda-au-cor-de-la-losera/)

Una traduccion de la vida de sant Ilari de Mende en lenga nòstra es disponibla aicí. (https://arqueodaqui.net/sant-ilari-avesque-de-mende-540/)

Fotografia @N. Combebiac, bònadich l’Agence d’attractivité touristique Gorges Causses Cévennes

]]>