“ELS 4 DE MONTSEGUR” DE XAVIER PERELLÓ

Francesc Sangar.- De l’epopèia catara un dels capitòls mai coneguts e mitificats es la rendicion de Montsegur pendent lo mes de Març de 1244. Sabèm que pendent aquela rendicion de la comunitat dels Bons Òmes e de las Bonas Femnas, quatre personas fugiguèron pel bòrd mai complicat e opausat al campament dels crosats. Per quin motiu? Portavan vertadièrament lo nomenat “tresaur dels catars”? Quin foguèt los sieus destins? E las siuenas vidas après d’aténher salvar aquel tresaur?

Xavier Perelló i Babot, grand apassionat del Catarisme, nos prepausa a travèrs del sieu roman en catalan “Els 4 de Montsegur” possiblas responsas a aquelas questions que totjorn an preocupat als estudioses del Catarisme, mas en donant sustot un protagonisme principal als quatre personatges, amb qui lo lector pòt s’identificar facilament. Son d’eròis amb un metièr principal, mas sustot son de personas umanas, que devon contunhar las siuenas vidas dins un mond de repression e paur.

Un estil plan dirècte

Amb un estil fòrça atrasent e dirècte, ont lo dialòg entre los protagonistas ocupan un papièr fondamental dins de la trama del roman e ven fondamental per conéisser las siuenas personalitats, los Quatre de Montsegur recorreràn un camin similar al de las comunitats cataras per desparièras comarcas dels territòris de lenga occitana e catalana, ont trobaràn tanben qualques personatges istorics de l’epòca, en cercant una estabilitat e una patz per refar las siuenas pròprias vidas.

La recèrca de l’autor es estada exaustiua, a travèrs d’aqueles emplaçaments que foguèron de testimònis d’aquel capítol basic de la nòstra istòria, coma Montsegur, Tarascon, Tavascan, Sort, Balaguer, Valéncia o Xerta. E amb lo fons d’un interès pel Catarisme de la part de l’autor iniciat amb una anciana istòria ligada als Bons Òmes e las Bonas Femnas explicada pel pairin de l’autor. Lo Catarisme gaudiguèt de fòrça images desparièras e nos podèm aproximar dempuèi visions divèrsas. Xavier Perelló i Babot nos ofrís aquela proposicion interessanta.

Xavier Perelló.- Lo libre es de l’an 2021. Ai una pichona notificacion a TV Balaguer “l’istòria qu’expliquèt lo sieu pairin “. Mas cap de mejan de comunicacion provincial, ni catalan ni estatal a parlat sul libre. Mon pairin volguèt que lo publiquès l’an 2021. L’an 2006, al Canal Cuatro espanhòl de television vegèri un documentari e ara soi un apassionat dels Catars.

Quand mon pairin m’expliquèt la rendicions de Montsegur, comencèt a investigar amb d’enciclopèdias, de bibliotècas… Amb l’arribada d’Internet foguèt una causa desparièra! Mon pairin m’expliquèt qu’èra un castèl de França, que quand èra jove volguèt anar a Montsegur, mas aviá pas de sòus. Quand aviá estalviat en trabalhant,  comencèt la guèrra civila espanhòla e posteriorament, el volguèt anar, mas a França tamben comencèt la segonda guèrra mondiala. Alavetz, mon pairin deguèt trabalhar, se maridèt amb la miuena mairia, aguèron un filh e tres filhas,  … Avián pas veitura. E la distància entre Montsegur e Balaguer es 146 km. Aital moriguèt sens poder anar.

Lo Diacre Raimon elegiguèt dos gojats e doas gojatas per portar dos secrèts, ajudat per tres soldats van fins Tavascan. Passan unes tempses tranquils, fins unes desconeguts atacan de pòbles vesins e un jorn Tavascan. Alavetz s’espantan e van a Balaguer. Mas lo comte Ermengol Xen d’Urgelh se revèla del Rei aragonés Pèire II, e detendrà de nauvenguts occitans… Podètz crompar lo libre a las librariás Argonauta de Balaguer, Caselles de Lhèida, Central a Tremp, Pobla, Sort…