“AVIERNA” d’ALÍCIA VENTURA GEIS

Nòu roman de l’escrivana Alícia Ventura Geis, “Avierna”, editada a Ònix Editor. En l’anterior, “Lluny de la ciutat” (“Luènh de la vila”), nos sarrava als cambiaments de la societat de començaments del sègle XXn a las tèrras empordanesas; en aquel nos endintra en un moment crucial de la nòstra Edat Medievala, en l’alba de l’inici del Catarisme e la formacion de la Nacion Catalana.

Superat l’an 1000, Euròpa començava a superar l’esfondrament provocat per la fin de l’Empèri Roman. Las vilas tornavan a créisser e las rotas comercialas se reactivavan. En aquel contèxt, apareisson las primièras dissidéncias que questionavan qualqu’unes dogmas e lo foncionament de la Glèisa Catolica, e una de las “eretgias” mai importantas foguèt lo movement dels Bons Òmes e las Bonas Femnas, lo Catarisme. Mas en aquela epòca, a mitat del sègle XIn, la libertat de pensada podiá venir perilhosa.

Un mond ostil

La protagonista del roman, amb lo significatiu nòm d’Avierna, deurà aprene en essent força jove a subreviure dins un mond ostil, e encara mai per una femna, filha illegitima d’un nòble. En un monastèri ont trabalha coma “copista”, descobrís un misteriós pergamin secrèt, qu’explica l’existéncia d’una conspiracion per assassinar lo Comte de Barcelona, e Avierna assumís coma pròpria la mission d’empedir aquel complòt que poiriá sometre los comtats catalans a una crisi de repercussions impensablas.

Dempuèi aquel moment, lo roman mena a una succession d’eveniments, amb d’aventura, d’accion, d’intrigas, de mistèris, … qu’atrason totalament al legeire, que desira arribar a la fin del roman per conéisser se la protagonista atenherà arturar lo complòt e de quins personatges e per quin motius pretenon assassinar lo comte barcelonés.

Amb lo sieu estil narratiu agil e atrasent e de descripcions dels personatges e de las atmosfèras de las desparièras scènas de la trama, Alícia Ventura transpòrta al legeire coma se foguèsse un espectador d’aquelas meteissas scènas, en creant un mosaïc fòrça complet d’una societat tan luenha en lo temps e al còp tan complèxa, mas tan importanta en la configuracion de la societat catalana medievala, mas lo legeire pòt tanben conéisser la prigondor de la personalitat dels sieus personatges, amb de caractèrs que venon un dels pilars del roman. E cossí afirma la sieuna autora, tot un aumenatge a totes aqueles primièrs catalans, qu’en un luenh sègle XIn, configuravan la naissença de la Nacion Catalana. Una lectura plan recomandabla, fruch d’un long procès de recerca de l’autora e qu’esperam siat tot un meritat succès.

“AVIERNA” a las librariás de Catalonha a comptar del jorn 11 de Setembre.

E una presentacion del libre amb l’autora lo jorn 24 de Setembre a las 13 oras, dins de la Setmana del Libre en Catalan a Barcelona.

Un article de Francesc Sangar

Las fotografias son estadas balhadas per Alícia V. Geis e l’Editorial Ònix