L’AUTRE ROBIN HOOD, ROBÈRT FITZWALTER
Christian Andreu.- Robert FitzWalter es un dels dos candidats mai reals pels istorians a l’ora d’èsser la basa reala de la figura, la legenda de Robin Hood. Fitzwater nasquèt aperaquí l’an 1180 e moriguèt en 1235. Foguèt lo senhor de Dunmow e foguèt un nòble anglo-normand que dirigiguèt la revòlta contra lo rei Joan sens Tèrra.
FitzWalter foguèt filh de Walter FitzRobert, senyor de Dunmow, en Essex, e de Matilda, filha de Richard de Lucy , jutge d’Enric IId d’Anglaterra. Quand lo paire moriguèt en 1198, aguèt de tèrras e lo castèl de Baynard, en Londres. Maridèt Gunnora, filha de Robèrt de Valognes e aital aguèt mai de tèrras al nòrd anglés. Aquò entraïnèt venir un dels barons mai poderoses de tot lo país. Tanben comerciava amb de vin.
Pendent la conquista francesa de Normandia FitzWalter venguèt lo senhor del castèl de Vaudreuil en 1203. Quora los franceses arribèron, balhèt lo castèl al rei de França. Lo meteis rei Joan confirmèt après que l’òrdre de pas luchar èra estada sieuna.
A la preson
FitzWalter foguèt menat a la preson de Compiègne e puèi liberat après se pagar mai de 5.000 marcs. Lo pagament foguèt realizat per la siá familha. Lo rei paguèt pas res. En 1206 FitzWalter luchèt amb lo rei a la campanha de Peitieus. En 1210 anèt amb lo rei a Irlanda. Après venguèt enemic public del rei Joan.
Aguèt una discussion amb una abadiá que i aviá dins la sieunas tèrras. Quand tornèt d’Irlanda, lo rei aviá balhat la rason a la Glèisa. Segon d’autres, lo rei volguèt aimar la siá filha e un autra teoria es que lo rei voliá l’aucir pr’amor qu’aviá mòrt un autre nòble. Es conegut que discutiguèt amb lo rei pr’amor del sieu pròpri eiretatge.
Alara FitzWalter auriá premanit un plan per aucir lo rei Joan o lo liurar als galeses en 121. Lo plan foguèt descobèrt e FitzWalter se n’anèt d’Anglatèrra. Las siás proprietats venguèron reialas. Lo rei encara destrusiguèt los sieus castèls.
FitzWalter fugiguèt a França amb d’autres exiliats angleses. Era estat condemnat pel rei, mas la glèisa l’ajudèt. En 1213 aguèt tornarmai las siás tèrras del rei. Malgrat aquò, volguèt pas ajudar lo rei en una nòva campanha militara a França. Quand lo rei tornèt, FitzWalter volguèt pagar pas mai d’impòstes extraordinàris al rei.
Es brica segur que FitzWalter foguèsse un dels barons originals qu’en 1214 demanèsse la confirmacion de la Carta de Libertats d’Enric Ir. En 1215 envièt al rei una carta. Lo rei respondèt pas e FitzWalter e d’autres barons angleseses venguèron revoltats en 1215. FitzWalter foguèt causit coma lor cap e Manescal de Dieu.
Lo rei ordonèt tornamai la confiscacion de las siás proprietats. Mas Londres alara tombèt revoltat. FitzWalter èra plan restacat amb los comerciants d’aquela vila e lèu la revòlta venguèt generala. Los ostals d’aqueles fisèls al rei foguèron brutlats e tanben los de qualcunes josieus.
FitzWalter foguèt un dels 25 barons nomentats a la Carta Magna signada per Joan Ir. E recebèt lo castèl de Hertford. Puèi los barons encara volguèron contrarotlar cèrts comtats. La Guèrra civila comencèt e las tèrras de FitzWalter en Cornualla tornèron a èsser confiscadas per òrdre reiala.
FitzWalter conquistèt lo castèl de Rochester, mas lèu calguèt se retirar a Londres pr’amor de la preséncia de l’armada reiala. En 1216 viatjèt a França per aufrir la corona anglesa al prince francés Loís. Quand aqueste desbarquèt en Anglatèrra, FitzWalter jurèt lo nòu rei. Puèi ajudèt a conquistar Essex e Suffolk.
En 1217 lo rei Joan aviá mòrt mas FitzWalter contunhèt amb lo rei Loís. A la batalha de Lincoln foguèt capturat. Foguèt liberat après la signatura de la patz. Li tornèron totas las siás proprietats. E venguèt vassal del nòu rei Enric IIIn.
En 1219 participèt a la cinquena crosada. Ne tornèt en 1220 pr’amor d’una malautiá. En 1223 luchèt contra lo prince galés Llywelyn ab Iorwerth. Encara en 1225 foguèt testimòni de la renovacion de la signatura de la Carta Magna per part d’Enric IIIn. Moriguèt 10 ans puèi e uèi fòrça istorians creson que foguèt la basa reala de la legenda de Robin Hood.
