IN MEMORIAM JOSEP MARIA SALRACH

Una de las caracteristicas qu’identifican las nacions son las siuenas pròprias istòrias. Lo passat 28 d’abril es mòrt a Barcelona Josep Maria Salrach e Marès (1945 – 2025), un dels mai importants istorians de Catalonha, que consacrèt tota la siuena recèrca sustot al periòde medieval.

Licenciat a l’Universitat de Barcelona, trabalhèt tanben coma professor a l’Universitat Pompeu Fabra e a l’Universitat de París. Èra tanben membre de la Seccion d’Istòria e Arqueologia de l’Institut d’Estudis Catalans.

Un istorian de prestigi

Dins la siuena produccion, destacam “Justícia e poder a Catalonha abans de l’an mil” (2013) e “Lo procès de formacion nacionala de Catalonha (sègles VIII e IX)” (1978). Mas aviá collaborat tanben a de grandas òbras collectivas coma “Istòria, Politica, Societat e Cultura dels Païses Catalans” amb lo libre consacrat a la formacion de la societat feudala o recentament amb ”La memòria dels Catalans” coordinat per Borja de Riquer e ont s’encarguèt de la seccion consacrada a l’emprenta daissada per l’istòria en lo caractèr del pòble catalan.

En analisant la siuena granda òbra, podèm clarament determinar l’importància del periòde medieval en l’istòria catalana, perque Catalonha coma nacion diferenciada se configura pendent aquela estapa, coma tanben d’autras nacions europèas. Un periòde, lo medieval, sovent marginalizat, mas basic per comprene lo nòstre present.

Fotografia: Josep Maria Salrach qu’es lo primièr a esquèrra.