LO COMTE BERENGUIÈR DE TOLOSA
Christian Andreu.- Plan desconegut, lo comte Berenguièr Ir de Tolosa, tanben nomenat Berenguièr lo Savant, (790-835), foguèt lo quatren comte de Barcelona malgrat que ja abans èra estat comte de Tolosa demest los ans 816 e fins a la siuena mòrt, a mai de comte de Palhars e Ribagorça (816-833), e tanben comte de Roselhon e Ampúrias (832-834). Fin finala, venguèt comte de Barcelona, Girona e Besalú los darrièrs tres ans de la sieuna vida (832-835).
Berenguièr Ir foguèt lo filh d’Unroch de Friül e d’Engeltruda de París, qu’aviá, al còp, lo comte Guillhèm Ir de Tolosa com lo sieu pepin, e tanben foguèt neboda de Bernat de Septimània. Lor dinastiá foguèt coneguda coma la dels Unroquidas.
Berenguièr foguèt comte de Tolosa e conselhièr del rei aquitan Pipin Ir dempuèi l’an 816. Quora Pipin volguèt se revoltar contra l’emperaire Loís, Berenguièr li diguèt qu’èra melhor o far pas. Pasmens foguèt pas escotat e Berenguièr Ir, fisèl a l’emperaire, dintrèt al territòri del rei aquitan Pipin Ir e conquistèt los comtats de Roselhon, Rasés e Conflent.
La desbranda de Pipin Ir
En 832 Berenguièr balhava las tèrras conquistadas a Babilas (Vallespir) e nomenèt Adefons coma vicecomte de Tolosa. Pendent la fin d’aquel meteis ans divèrsas victòrias militaras imperialas provoquèron que Pipin e Bernat anèsson a visitar lo meteis emperaire que envièt Pipin a la preson a Treveris. Las tèrras de Pipin Ir, rei d’Aquitània, foguèron balhadas a Carles IInd, e totas las tèrras de Bernat de Septimània foguèron balhadas a Berenguièr Ir de Tolosa.
Sonque una annada après, Galin Ir Asnar, comte d’Urgelh e Cerdanha conquistèt las tèrras dels comtats de Palhars e de Ribagorça, proprietat de Berenguièr Ir de Tolosa. L’ancian rei aquitan Pipin Ir tornèt a signar la patz amb l’emperaire e Bernat demanèt los sieus ancians títols comtals. Pasmens, aqueles èran ara de Berenguièr Ir.
Foguèt alara que l’emperaire demanèt a Bernat mas tanben a Berenguièr Ir de lo visitar a Cremieu. Caliá adoptar una decision finala sus aqueles comtats. Pasmens, pendent lo viatge, Berenguièr ir moriguèt lèu e los comtats del comte de Tolosa e Barcelona tornèron a Bernat de Septimània. Pas gaire mai es conegut de la sieuna biografia.
