LO VERTADIÈR ROBIN HOOD ?
Christian Andreu.- La legenda de Robin Hood es totjorn actuala. Ven mai vielha. Benlèu pr’amor de las siás valors universalas. Pasmens, los istorians discutiguèron sus la vertat d’aquela legenda pendent de sègles. Un dels màgers problèmas es que Robin foguèt un nom plan comun a l’Anglatèrra medievala. A mai, lo nom de familha Hood fasiá referéncia a un òme que demorava al bòsc o qualcun que talhava de fusta o qu’aviá una capucha al cap. Segon aquò, un sens fin d’angleses foguèron nomenats Robèrt Hood – Robin èra lo nom cuèrt de Robèrt- o Robin Hood, e mai encara se foguèron de criminals.
Segon l’Enciclopèdia Britannica Hood èra un dialectalisme per dire fusta o bòsc (en anglés es la meteissa paraula). E los criminals a l’epòca èran totes nomenats Robin Hood dempuèi lo sègle XVIn endavant. La primièra e mai vielha referéncia a un d’aqueles òmes se passèt als jòcs de mai de Somerset en 1518.
La referéncias mai ancianas son de cançons. Dempuèi 1261 endavant lo nom Robin Hood foguèt balhat als criminals. Entre los ans 1261 e 1300 i aguèt fins a 8 referéncias al nom de Robin Hood des de Berkshire fins a York, al nòrd. Lo poèma Piers Plowman tanben parla de Robin Hood. Mas se considèra que la primièra referéncia vertadièra foguèt la de la Cronica Orygynale de Wyntoun de 1420, on parla del Petit Jhon e de Robyne Hude e los òmes de Wayth, qu’èran de bons òmes e que viatjavan totjorn pel bòsc d’Yngil.
Lo nom del criminal
En 1439 lo nom de Robin Hood foguèt usat per descriure al Parlament anglés los criminals. Un d’aqueles èra Piers Venables, d’Asyon, plan paure, que volguèt se revoltar e se n’anèt a la forèst per s’amagar. Com aviá fach Robin Hodd e la siá companhiá.
En 1440 òm parla de Robin Hood a la Cronica Escocesa (Scotichronicon) de Bower. Arrivèt après la desbranda de Simon de Monfòrt en 1266. Robin de Hood èra doncas un guerrièr d’aquel cavalièr anglés (e que Simon de Monfòrt de la crosada occitana de 1209 ne foguèt ancessor) que luchèt a la Forèst de Sherwood. Aquò semblariá èsser èstat real. Totun, un dels personatges istorics reals que mai poirián èsser estat Robin Hood foguèt Rogièr de Godberd.
Rogièr de Godberd foguèt un criminal anglès que poiriá èsser estat Robin Hood. Qualcunes istorians afirman que la siá vida foguèt copiada après per crear la vida de Hood. D’autres, pasmens, dison qu’aquò es pas vertadièr pr’amor que sonque qualcunes episòdis biografics de Godberd son parièrs a la biografia de Robin Hood.
D’efièch, Godberd demorèt al sègle XIIIn a l’airal de Leicestershire e viatjèt per tota Anglatèrra coma criminal amb una còla de bandits. Las criticas al rei Enric IIIn (e pas Ricard Còr de Leon) alara èran grandas pr’amor de l’estat del tresaur reial. Los paures pagavan plan e demoravan maluroses. Foguèt alara que nasquèron las racinas de la Segonda Guèrra dels Barons. E Godberd aufriguèt lo sieu servici a Simon de Montfòrt fins a la mòrt del cavalièr en 1265.
Los expèrts creson que Godberd foguèt Robin Hood pr’amor de divèrsas rasons ; las batalhas que luchèt e los sieus crims. Lo nom de Robin Hood venguèt mai popular pendent la fin del sègle XIIIn. La legenda es legenda mas se basèt sus de faches reals.
Rogièr Godberd nasquèt en la decada de 1230 e moriguèt en la decada de 1290 amb 60 ans. Aguèt dos fraires nomenats Guilhèm e Geoffrey. La siá maire maridèt tornarmai un autre òme après la mòrt dels sieu paire. Rogièr de Godberg foguèt alara bloquièr de Robèrt de Ferrers, qu’aviá de tèrras a Leicestershire. Sa maire talhèt totes los arbres de la siá proprietat. Rogièr de Godberg aimèt pas brica aquò e se n’anèt.
Maridèt e aguèt dos filhs. Ganhèt de biais illegal la proprietat de Jordan le Fleming e caliá anar a judici mas i anèt pas jamai. E fondèt una còla de bandits. Qualcunes afirman que venguèt un membre mai de la garnison del castèl de Nottingham. Mas tanben ailà li demanèron d’anar a judici.
Rogièr de Godberd visquèt durant l’epòca dels reis Enric IIIn e Edoard Ir. Los dreches feudals patiguèron fòrça e i aguèt mai de bandits. Rogièr venguèt al servici de Simon de Monfòrt, comte de Leicester. Quand aqueste moriguèt en 1265, foguèt declarat bandit de biais oficial.
En 1446, Walter Bower afirmèt que Robin Hood èra vengut bandit après aquela batalha. E plusors istorians diguèron alavètz que Rogièr de Godberd foguèt Robin Hood. Mai tard foguèt perdonat. Qualcunes confirman qu’alara se n’anèt a la forèst de Sherwood coma criminal amb una còla de 5 òmes. Reginald de Grey èra alara lo sheriff de Nottingham. Rogièr foguèt capturat mas fugiguèt.
Encara en 1270 Godberd èra un bandit. Ataquèt l’abadiá de Stanley e i raubèt fòrça d’argent. Mas Rogièr diguèt qu’èra innocent. Quan en 1270, lo sheriff de Nottingahm, Reginald de Grey, assetgèt lo castèl de Fenwick per lo trapar poguèt fugir tornarmai. Lo cavalièr que lo protegissiá balhèt, fin finala, lo castèl.
Fin finala, Rogièr de Godberg, tanben conegut coma Robin Hood, foguèt capturat e enviat a preson. Demorèt ailà 3 ans abans d’anar a judici. Edoard Ir tornèt a lo perdonar. Tornèt a la siá bòira fins a la siá mòrt. Totun, qualcunes dison que moriguèt a la preson de Newgate en 1276.
I a doncas de faches que son parièrs e que poirián èsser la basa de la legenda posterior. Malgrat aquò jamai cap istorian poguèt demostrar de biais definitiu que Rogièr de Godberd foguèsse Robin Hood o qu’aqueste foguèsse real. E aquò que totes los istorians coneisson plan que tota legenda a totjorn una basa reala.
