GUI Ir DE LEVIS
CAM.- Gui de Levis (1180-1233) foguèt un dels cavalièrs franceses pus celèbres demest los crosats qu’envasiguèron Occitània en l’an 1209. Lèu venguèt luòctinent de Simon de Monfòrt e puèi Mareschau de la Crosada. Aquò ajudèt plan lo cavalièr a participar en divèrses sètges dont lo del vilatge de Mirapeis.
Quora dintrèt amb los crosats al vilatge, confirmèt la sieuna possession legala per drech de conquista. Pasmens, la revòlta posteriora dels occitans entraïnèt la sieuna marcha del país al nòrd francés, d’ont èra originàri. La segonda envasion francesa d’Occitània de la decada de 1220 confirmèt lo sieu contraròtle del País de Mirapeis a travèrs del tractat de Meaux-París (1229). La sieuna familha venguèt proprietària d’aquela comuna occitana pendent set sègles.
Lo mareschau de la Fè
Gui de Levis participèt lèu a la crosada contra los catars ja dempuèi l’an 1209. Lèu venguèt jos las òrdres dirèctas de Simon de Monfòrt e participèt al sètge de Besièrs e puèi al de Carcassona (1209). En 1210 participèt al sètge de Termes e après al del castèl de Lavaur e de Castelnòu d’Arri (1211). Encara en 1216 luchèt amb los crosats al sètge de Beaucaire en 1216, e puèi al sètge de Tolosa que comencèt en 1217 e ont Simon de Monfòrt i trobariá la mòrt per una pèira lançada segon los abitants de la vila per de femnas e que trinquèt lo cap de Simon de Monfòrt e l’auciguèt.
En 1223 Gui de Levis aviá perdut Mirapeis e, après la mòrt de Simon de Monfòrt en 1218 se’n tornèt a França. En 1224 Los occitans ganhèron lo sètge de Carcassona e se pòt dire que la crosada ja èra finida. Totun, ailà foguèt un dels cavalièrs franceses que mai demanèron al rei Loís VIII una nòva crosada, e participèt d’un biais plan actiu en la meteissa quora aquesta comencèt en 1226.
Quora tornèt a conquistar Mirapeis, lo fèu foguèt desseparat del comtat de Fois e Gui Ir de Levis venguèt vassal dirècte de la corona francesa. Quora los catars se n’anèron a Montsegur, participèt plan al sètge de 1244 e quora lo castèl foguèt conquistat pels franceses Montsegur venguèt balhat al sieu filh.
Lo tractat de Meaux-París de 1229 confirmèt que las tèrras balhadas per Simon de Monfòrt a Gui de Levis, dont Mirapeis, èran validas e venguèt de biais oficial (abans ja o èra estat de biais real) senhor de Mirapeis e del País d’Olmes, e doncas vassal de l’ostal raimondin. Per ansin, aquel vilatge demorèt en mans dels Levis los següents set sègles. Gui de Levis Ir (car lo sieu filh venguèt après Gui de Levis IInd de Mirapeis) pasmens, moriguèt en l’an 1233 e foguèt sepelit a l’abadiá de Nòstra-senhora de la Ròca de Levis, fondada per lo meteis Gui.
