CARIBÈRT II, REI D’AQUITÀNIA
Caribèrt II (607-632) foguèt lo darrièr rei aquitan de la primièra epòca d’Aquitània coma reialme medieval. Foguèt lo filh de Clotari II e la sieuna femna Sichilda e venguèt rei d’Aquitània a Tolosa dempuèi l’an 629 fins a la sieuna mòrt sonque tres annadas puèi. La data de la naissença de Caribèrt II es pas encara uèi segura, nimai lo luòc ont nasquèt. Sonque es conegut que foguèt lo fraire de Dagobèrt, un pauc màger. Clotari aguèt doas femnas e Caribèrt foguèt lo filh de la sieuna femna pus jove.
En l’an 629 Clotari II, rei dels francs, moriguèt e Caribèrt demanèt lo reialme de Neustria. Lo sieu fraire Dagobèrt I èra estat ja rei d’Austrasia dempuèi l’an 623. Mas Dagobèrt tanben voliá lo reialme de Neustria. Caribèrt, encara menor d’edat, envièt al sieu oncle Brodulf per negociar amb lo sieu fraire mas foguèt aucit per Dagobèrt.
Una lucha tre fraires
Aquò arrestèt pas Caribèrt a l’ora de prene lo poder en Aquitània. Lo sieu fraire Dagobèrt faguèt pas res. Una teoria ditz qu’acceptèt l’independéncia d’Aquitània se Caribèrt renonciava al tron d’Austrasia. Segon semblariá, aquò provoquèt pas cap problèma tre ambedós fraires, car Caribèrt encara venguèt en 631 pairin del filh de Dagobèrt, Sigebèrt.
Lo reialme de Caribèrt includissiá Tolosa, Caors, Agen, Perigòrd, e Santes, e encara las tèrras de Gasconha. Maridèt Gisela, filha d’Amand, rei dels gascons. Caribèrt envièt una armada per luchar contra los bascs e s’arrestèt pas fins que poguèt conquistar tota Novempopulania, que seriá puèi lo Ducat de Vasconia.
Pasmens, Caribèrt moriguèt en l’an 632 en Blaia, e pauc apuèi (633) nasquèt lo sieu filh Chilperic que, segon qualcunes istorians ja aviá 7 ans (626-633), mas que tanben foguèt aucit lèu. Aquitània venguèt alara una posession del sieu fraire Dagobèrt. Caribèrt e Chilperic foguèron sepelits a la Basilica de Sent Roman.
Uèi la majoritat d’istorians son d’acòrd a l’ora d’afirmar que çò de mai segur es que Caribèrt foguèsse assassinat pel sieu fraire Dagobèrt, pr’amor qu’aital, lo nòrd franc podiá tornar a contrarotlar lo reialme aquitan. Çò qu’es segur es qu’Aquitània tornariá pas a venir independenta coma reialme fins a la fin del sègle VIII. Qu’es quand comença la segonda epòca d’un estat medieval nomentat Aquitània.
