RAMON BERENGUIÈR IV
CAM.- Ramon Berenguièr V naissèt en 1199 e moriguèt en 1245 en Ais de Provença e foguèt còmte de Provença e còmte de Forcauquièr. Foguèt lo filh d’Anfós II de Provença e de Garsenda de Sabran, comtessa de Forcauquièr. Amb sonque 4 ans ja èra estat coronat comte de Provença e lo sieu oncle, Pèire I, comte de Barcelona e rei d’Aragon ne foguèt lo mèstre fins a la sieuna mòrt en Murèth, en 1213. En 1216 confirmèt als provençals qu’èra lo sieu comte e en 1219 maridèt Beatritz de Savòia.
En 1222, recebèt de la sieuna femna lo comtat de Forcauquier pr’amor que voliá dintrar en un monastèri. Pasmens, governèt ambedós comtats de biais desparièr pr’amor que caliá contunhar amb los dos comtats desseparats car, se que non, i poirián aver fòrça problèmas d’eiretatge. D’un autre costat, foguèt un nòble provençal que dobtèt pas a participar en la crosada contra los bons òmes o catars e dobtèt brica a l’ora de sosmetre las vilas d’Arle e de Marselha, ont i començavan a aver de trebolums pr’amor de la meteissa crosada.
En 1226 arribèt Loís VII de França amb una armada. Aquò l’ajudèt a abolir los consolats d’aquelas vilas e tanben las sieunas libertats urbanas. Faguèt çò de meteis amb las vilas d’Avinhon e Tarascon, a mai de quitar las libertats a Grassa e Niça. Lo 12 de setembre de 1226 Loís VIII e Ramon Berenguièr V de provença dintrèron en Avinhon. Puèi lo rei francés se n’anèt vèrs lengadòc, ont moriguèt pauc apuèi.
Contra Arle e Marselha
Ramon Berenguier V assajarà durant ans de sosmetre e finir amb las republicas urbanas d’Arle e de Marselha. Al començament poguèt pas pr’amor qu’èran jos protecion tolosana (Raimond VII). Mai problèmas aguèt encara quora la vila de Tarascon se revoltèt contra la sieuna volontat en 1231.
D’un autre costat, Ramon Berenguier V creèt las armas provençalas, plan semblablas a las de Catalonha. Tanben bastiguèt la vila de Barcilonèta en 1231 per onorar las sieunas rasigas catalanas. E balhèt fòrça privilegis als sieus abitants. Amb Beatritz de Savòia aguèt quatre filhas ; Margarida, maridada amb Loís IX de França, Alienòr, maridada amb Enric III d’Anglatèrra e duc dels aquitans, Sança, maridada amb Ricard de Cornoalha, emperaire germanic e Beatritz, maridada amb Carles I d’Anjau e ereitièr dels comtats de Provença e Forcauquièr.
