JORNADA DE CATARISME A BENIFALLET
Francesc Sangar.- Una nòva jornada per difondre lo movement dels Bons Òmes e las Bonas Femnas, organizada per las entitats Ilercavònia e Camins dels Catars. Ara a Benifallet, a la comarca catalana del Baix Ebre, lo pròche 28 de Setembre de 2024.
José Luís Soler, presentarà tornarmai l’actualitat del projècte “Camins dels Catars”, e serà inaugurada l’exposicion “Los camins dels Catars, un itinerari cultural europèu”. Aquel projècte preten aténher justament aquela distincion del Conselh d’Euròpa, e dempuèi SAPIÉNCIA OCCITANA desiram que siá una realitat lèu.
Inquisicion e catars
Lo cercaire Eduard Berga aufrirà la conferéncia “L’Inquisicion e los Catars a las Tèrras de l’Ebre”, e contunharà amb un debat amb divèrses especialistas en aquel capítol de nòstra istòria. Aquelas comarcas catalanas recebèron fòrça occitans que fugissián de las persecucions de l’Inquisicion, en cercant ont poder viure la fe catara amb tranquillitat.
Un fragment del film “Bogre. La granda eretgia europèa” serà projectat, mai que mai lo consacrat a la repression patida a las tèrras occitanas pendent los sègles XIIIn e XIVn.
Un recital de poesia amb Conxita Jiménez, amb de composicions consacradas als Catars, “El Tel de l’Ombra”, la plantada d’un laurièr coma simbòl de patz e libertat, las cançons occitanas “Se canta” e “Lo Boièr”, cantadas per Maria Lourdes Llauger e los “Xiquets (Mainats) de Benifallet”, precediràn lo concèrt de musica medievala de la cantaira Anna Amigó “En retraçant las cançons ancestralas de las Trobairitz e los Bons Òmes”. Una granda jornada per recuperar la memòria istorica del Catarisme.
