VIOLANT D’ARAGON (1384-1442)
CAM.- Violant d’Aragon (1384-1442) foguèt princesa reiala del comtat de Barcelona e reialme d’Aragon pr’amor qu’èra filha de Joan lo caçaire, comte de Barcelona e rei d’Aragon, mòrt en 1396. Puèi, e malgrat que demanèt n’èsser la successora, se n’anèt maridèt Loís d’Anjau. Aital venguèt reina de Nàpols e comtessa de Provença fins al sieuna mòrt en 1442. Se las corts catalanas l’aguèssen causit coma successora de Joan lo Caçaire, las coronas de Provença, Nàpols e Aragon aurián demorat amassa e l’istòria medievala d’aqueles reialmes benlèu auriá cambiat per totjorn.
Lo pair de Violant d’Aragon foguèt Joan lo Caçaire d’Aragon e la sieuna maire Violant de Bar. En 1400 maridèt Loís d’Anjau, rei de Nàpols e comte de Provença. Amb el aguèt 5 filhs dont lo futur duc d’Anjau, Loís IIIn, Renat, duc de Lorena e Violant, duquessa de Bretanha.
La política dels Anjau
Violant d’Aragon aguèt un ròtle clau en la política dels Anjau a començament del sègle XVn. Foguèt la sola filha viva de Joan 1r, comte de Barcelona e rei d’Aragon quan aqueste moriguèt en 1396. Pr’amor d’aquò demanèt n’èsser la sieuna successora (e puèi, tornarmai, quan moriguèt Joan 1r de’Aragon), mas a la corona d’Aragon se preferissiá mai un successor masculin que femenin. Pasmens, sens ela, quan Martin 1r de Barcelona e Aragon moriguèt en 1410, la dinastiá de l’ostal de Barcelona finiguèt e cambièt la dinastiá pr’amor que foguèt proclamat un rei castelhan de la dinastia dels Trastamara.
Per causir aquel rei fguèron demanadas Corts Generalas a la Corona d’Aragon en 1412 a Casp. I arribèron divèrses pretendents dont Jacme IInd d’Urgèl, Ferran d’Antequera e Loís IIIn , filh de Violant d’Aragon. Loís IIIn perdèt lèu l’escasença de venir rei d’Aragon, mas Violant foguèt alara nomenada la reina dels quatre reialmes (Sicília, Jerusalèm, Chipre e Aragon).
Malurosament per ela, las Corts catalanas causiguèron pas lo sieu filh. Se aquò aguèsse passat pr’amor que Violant formava part encara de l’Ostal de Barcelona, las coronas d’Aragon, Provença e Nàpols benlèu aurián demorat amassa e s’auriá creat un dels pus potents estats mediterranèus medievals. Totun, aquò forma pas part de l’istòria reala de l’edat medievala e doncas se pòt pàs diré qué auriá passat.
