UN MANUSCRICH MEDIEVAL, VENDUT PER 5, 23 MILIONS D’EUROS

Redaccion.- La Librariá Nacionala de Luxemborg, comprèt la Bíblia Giganta de Sant Maximin ongan per 5, 23 milions d’euros. Lo libres es un manuscrich medieval creat aperaquí l’an 1090 a l’Abadiá Imperiala de Sant Maximin a la vila de Trier, prèp de la frontièra actuala luxemborgesa. Lo manuscrich illuminat pesa 25 Kg e es fach amb la pèl de mai de 200 vacas e es considerat un joièl artistic plan rar.

Lo director d’aquela librariá, Claude D. Conter, soslinhèt “qu’es plan rar trapar qu’un manuscrich pòt tornar al sieu luòc d’origina mai de 1.000 annadas aprés la sieuna creacion. Encara es mai rar poder saber ont èra lo libre dempuèi alara e cada an”.

Pendent de sègles a la librariá de l’abadiá

Aquela bíblia foguèt usada durant sègles en d’ocasions especialas a la glèisa de l’abadiá e demorèt a la sieuna librariá fins que l’abadiá foguèt destrucha en 1802. Lo libre alara foguèt comprat per divèrses propietàris privats fins que, en 2022, foguèt comprat per lo comerciant de manuscriches medievals Les Enluminures que, puèi, lo venguèt a Luxemborg.

“Es un document istoric que representa una colomna del nòstre eiretatge cultural mas tanben poiriá èsser un joièl se parlam del torisme, çò diguèt Eric Thill, ministre de cultura de Luxemborg. De remembrar que la Librariá Nacionala d’aquela nacion lancèt una campanha de crowdfounding per ajudar a comprar lo libre. Sonque aital poguét èsser comprada aquesta extraordinària pèça de l’istòria medievala europèa.