JOMSBORG, UNA FORTALESA JAMAI TROBADA

Encara uèi lo jorn la comunautat istorica discutís se la fortalesa de Jomsborg existiguèt vertadierament o pas. Segon qualqu’unes istorians seriá estada la capitala d’una union de mercenaris vikings tanben coneguts coma Jomsvikings. Los Jomsvikings aurián realizat d’atacas en la Mar del Nòrd entre los sègles IXen e Xen fins que lo rei Magnus de Noruega, fatigat d’aquela piratariá sens fin ataquèt e destrusiguèt totalament la fortalesa de Jomsborg en l’an 1043.

Mai d’una saga medievala escandinava soslinhèt la sieuna existéncia e las sieunas atacas. Mas l’arqueologia modèrna poguèt pas trapar jamai las rèstas de Jomsborg. Per ansin, divèrses istorians encara uèi afirman qu’aquel tipe de piratas vikings, los jomsvikings, serián una legenda e pas pas res pus qu’aquò.

Segon divèrsas fònts dins la fortalesa jomsvikinga de Jomsborg i podián dintrar fins a 300 baisèls.

Maugrat que la comunautat istorica encara contunha devesida sus aquela afar, mai d’un tèxt medieval ne parlèt. Atal, son nomentats en de sagas noruegas dels sègles XIIen e XIIIen coma la saga Jomsvikinga o encara la saga d’Olaf Tryggvasson. Aquò menèt divèrses istorians, pendent lo sègle XXen, de localitzar Jomsborg en la montanha de Hill, al nòrd de la vila de Wollin, en aquela illa, en Polònia. D’autres istorians confirmèron que las ancianas Jumne, Julin o encara Vineta serián la quita fortalesa de Jomsborg.

Una amassada de piratas vikings

Segon la saga dels Jomsvikings, aqueles èran plan sellectius a l’ora d’admetre nous mercenaris. Per poder dintrar dins aquela union de piratas vikings pagans, un òme aviá d’aver entre 18 e 50 annadas (solament un jovent amb 12 poguèt tanben i entrar après ganhar en combat Signaldi Strut-Haraldsson). A mai, per poder jónher los jomsvikings, caliá acceptar e ganhar un combat amb un autre jomsviking.

Per divèrses istorians los jomsvikings e encara mia Jomsborg serián una legenda e pas pas res pus qu’aquò.

Un còp dins, calia aubedir un còdi de conducha plan estricte e la violacion de qualqu’una de las normas podiá èsser seguida amb l’expulsion immediata del grop. Totes los jomsvikings avián de defensar lors fraires d’armas e tanben los venjar quora mòrts en combat. Se podiá pas parlar de manièra marrida d’un autre pirata viking e tanpauc se podiá fugir davant de l’enemic. A mai, podián pas viure maridats dins la fortalesa.

En 2014 foguèt descobèrt lo Disc de Curmsun en Suècia, un disc d’aur amb l’incripcion “Harald Gormsson, rei dels daneses, Escània, Jomsborg e la vila d’Aldinburg”, fach que demostrariá, tornarmai, l’existéncia de la fortalesa en l’illa de Wolin (uèi Wollin). La dialectica auriá, doncas, e segon mai d’un istorian, coma origina los diferents biais d’informacion sus los jomsvikings e las fònts medievalas. Per ansin, qualqu’unas sagas escandinavas nomentavan la vila amb l’unic nom de Jomsborg del temps que d’autras fònts germanicas parlarián mai lèu de Jumne, Uimne, Jummeta o encara Vineta.

Cossí siá, la preséncia de jomsvikings, de piratas pagans vikings en la Mar del Nòrd, pendent aquela epòca, es estada confirmada en de batalhas coma las de Fyrisvellir (984), Hjorungavagr (986) o encara Svolder (1000). Un fach que fa sospechar que, maugrat que l’arqueologia modèrna a pas jamai trapat Jomsborg encara, aquò benlèu vòl pas dire que non foguèsson de piratas reals vikings, los jomsvikings, amb o sense fortalesa centrala.

CAM

Us de les cookies

aqueste sit web utiliza de cookies, tan pròpris coma de tèrças personas, per amassar d’informacions estatisticas de la vòstra navigacion e per vos ofrir un servici personalizat. Se contunhatz de navigar, consideram que n'acceptatz l'usatge. Mai d’informacion..


ACEPTAR
Aviso de cookies