DE CATARISME ISTORIC
Francesc Sangar.- Lo passat Dijòus 18 de Març se celebrèt en Barcelona la quatrena sessilha del cicle de conferéncias del Catarisme organizat en la Librariá Alibrí los Amics dels Càtars amb la collaboracion de divèrsas entitats coma lo Cercle d’Afrairament Occitan Catalan, Camins dels Càtars, lo Centre d’Estudis Càtars de Barcelona, l’Associacion El Món Medieval, lercavona Terra Nostra, L’Espiral e lo Fòrum Cultural Odissea. 
En aquesta sessilha, l’escrivan sus tematica religiosa Bartolomé Bioque e Jaume Cluet, director de l’agéncia de viatges culturals KULTURALIA e grand cercaire sul Catarisme, expausèron jol títol “Legendas e mites del Catarisme”. Bartolomé Bioque expliquèt de connexions entre lo Catarisme e divèrsas filosofias e religions anterioras qu’avián influenciat los dògmas de la fe dels Bons Òmes, e qualqu’unas legendas ligadas a lors vidas abitualas, las siás cresenças e lo simbolisme, que podèm trobar en Montsegur o en las “spoulgas” (las caunas) del Sabartés.
Jaume Cluet analisèt lo simbolisme del castèl de Montsegur e de possiblas teorias sul sieu bastiment e la siá tòca, en contrastant amb la teoria oficiala sus un rebastiment posterior a la casuda del castèl l’an 1244. Sul castèl de Montsegur, avèm encara fòrça descobèrtas pendentas de trobar. Lo pròche Dijòus 25 se celebrarà la cinquena e darrièra sessilha d’aqueste cicle.
