LA MÒRT DE RAIMOND BERENGUIÈR II, LO “CAP D’ESTOPES”
Francesc Sangar.- Filh del comte Raimond Berenguièr I de Barcelona e d’Almodis de la Marca, venguèt comte de Barcelona, Girona, Osona, Carcassona e Rasés, mas amb un eiretatge problematic; lo sieu paire dividiguèt pas los sieus fèus entre los sieus filhs (Raimond Berenguièr 1053 – 1082 e Berenguièr Raimond 1053 – 1097) e aquela situacion provoquèt una granda enemistat entre ambedós fraires.
La causa d’aquel estranh eiretatge es que probablament los dos fraires èran bessons, e Raimond Berenguièr I preferiguèt pas favorir dengun. Mas Raimond Berenguièr governava los fèus amb una cèrta preferéncia après la mòrt del paire.
Enemistat frairala
L’enemistat dels fraires provoquèt l’intervencion del meteis Papat (Gregòri VIIen), amb una visita del sieu legat Amat d’Oloron e correspondéncia amb l’evesque de Girona. A Roma lo Papa temiá qu’aquela situacion poguèsse afeblir la defensa dels comtats catalans davant d’un eventual atac musulman.
Aquela intervencion papal atenguèt un despartiment efectiu dels fèus, mas redusiguèt pas la mesfisança entre ambedós fraires. Après divèrsas luchas e d’afrontaments amb los emirs musulmans e amb lo nòble e guerrièr castelhan lo Cid, quand viatjava de Barcelona a Girona, en un bòsc d’un endrech nomenat la “Perxa de l’Astor” foguèt assassinat en circonstàncias estranhas, e lo sieu cadavre lançat al “Gorg del Comte”.
Las sospèchas ligadas a la possibilitat que lo sieu fraire Berenguièr Raimond foguèsse l’instigador de l’assassinat circulèron pendent ans, e mai que se poguèt jamai demostrar l’autoria del crim. L’istoriografia catalana a conegut Berenguièr Raimond coma “lo fratricida”. L’eretièr del comte assassinat, lo sieu filh postum Raimond Berenguièr III, aguèt coma regent pendent la siuena mainadesa lo sieu oncle Berenguer Raimond II (una situacion estonanta).
E perqué èra nomenat “Cap d’Estopes” (“estopes” son “de filaments de lin” en catalan? La teoria defenduda pels istorians explica que possedissiá de pels longs e blonds, e aquel èra lo motiu de l’escais. Lo sepulcre de Raimond Berenguièr II es a la catedrala de Girona.
