CONGRÈS SUS LA CAÇA DE MASCAS  A BARCELONA E ESTERRI D’ÀNEU

Francesc Sangar.- Ongan se celèbran 600 ans de las “Ordinacions d’Àneu,” e l’Universitat de Barcelona organiza un Congrès internacional amb lo títol “Las originas de la caça de mascas a Euròpa”, organizat mejançant l’Institut de Recèrca de las Culturas Medievalas de l’Universitat de Barcelona (IRCVM) amb lo supòrt del Vicerectorat de Cultura, Memòria e Patrimòni de la meteissa Universitat e lo Conselh Cultural de las Vals d’Àneu.

Lo comitat scientific es format per l’istorian e professor AGUSTÍ ALCOBERRO, la professora  directritz de l’IRCVM, Meritxell Simó, e lo professor e istorian Pau Castell (tanben coordinator del projècte).

Las ordinacions d’Àneu

E qué son las “Ordinacions d’Àneu”? Son lo tèxt juridic catalan mai ancian (1424) que tracta lo tèma de la mascariá, una de las primièras leis europèas que parlava sus la mascariá coma delicte e marcava lo tracte que devián patir las femnas acusadas.

Pendent los jorns 4, 5 e 6 de Julhet se celebraràn de conferéncias qu’analisaràn lo fenomèn de la “mascariá” e la sieuna repression, a la meteissa Universitat de Barcelona (entre lo Paranimf e la Facultat de Geografia e Istòria) e a la Sala d’Actes de la Comuna d’Esterri d’Àneu (Pallars Sobirà), amb de professors especializats del tèma de divèrsas universitats. Als archius trobaretz mai d’informacion e la via per vos apuntar. Lo tèrme finaliza lo prèp 30 de Junh. Un important e grand acte acadèmic aquel estiu a Esterri d’Àneu!!!

Per mai d’informacion : https://web.ub.edu/web/actualitat/w/congres-bruixes