BRUNELLESQUI, BASTISSEIRE DE…CASTÈLS

Redaccion.- La confirmacion de Filippo Brunellesqui coma lo bastisseire del nomentat castèl de Brunellesqui en 1424, en Florència, li balhèt una valor encara mai nauta pendent l’anonci de la sieuna venta la prima de l’an 2018. Lo castèl includís tanben pus de 245 bòiras, un ostal rural (o Villa) del sègle XVIIIen e atanben una capèla situada dins un bòsc. La superfícia totala en venta son mai de 90.000 Km2 e pus de 1200 ectaras de tèrras d’agricultura que tanben an de vinhas e d’olivièrs).

Ricci confirmèt qu’aquel castèl èra estat bastit per Brunellesqui de segur e ne balhèt mai d’una rason per o certificar.

Calguèt demandar lo vejaire del professor Massimo Ricci per confirmar que lo castèl (amb 4 torras e de bons murs per i passejar) èra estat bastit pel gèni de la renaissença florençan Brunellesqui, mai celèbre benlèu per la Catedrala de Florença que non pas per las sieunas òbras de poliorcetica.

Aital, lo professor Ricci, una de las autoritats mai grandas en Itàlia uèi lo jorn sus l’arquitectura de Brunellesqui, confirmèt qu’aquel castèl èra estat bastit per Brunellesqui de segur e ne balhèt mai d’una rason per o certificar.

La creacion d’un sistema de defensa

Entre las annadas 1400 e 1446 e pendent la vida de Filippo Brunellesqui, la Republica de Florença li demandèt de bastir divèrsas fortalesas militaras al torn de la vila coma sistèma de defensa. E aquò maugrat que Brunellesqui ja trabalhava en la Catedrala d’aquela vila e podiá pas pus far mai de causas per una fauta totala de temps. Totun, Brunellesqui foguèt un vertadièr expèrt en de fortalesas militaras de l’epòca e acceptèt lo nòu trabalh.

A l’epòca, los senhors qu’avián d’ostals rurals èran tanben obligats de bastir de muralhas e de torras amb de sistèmas de defensa per se premanir davant possibles atacas enemiga. Lo castèl de Brunellesqui, ara en venta, èra alavetz proprietat de la familha Pucci, vesina de l’ostal dels Petraia, que Brunellesqui n’aviá tanben bastit una fortalesa.

Entre las annadas 1400 e 1446 la Republica de Florença decidiguèt de bastir divèrsas fortalesas militaras al torn de la vila coma sistèma de defensa.

Segon Ricci, se pòt confirmar de segur que lo castèl foguèt bastit per l’aquitecte italian de la renaissença florençana en 1424 pr’amor qu’es fach de bricas e amb la quita tècnica utilitzada en la Catedrala de Florença. Aital, quora èra bastit lo castèl Brunellesqui laissèt d’emplegar de pèira per bastir la catedrala e comencèt de la bastir amb de bricas. Foguèt una nòva tecnica desvolopada per Brunellesqui fins a l’extrem d’utilizar tanben de bricas en luòc de pèira en mantas partidas que fins a l’epòca foguèron totjorn bastidas amb de pèiras. Segon Ricci, solament Brunellesqui podiá aver aquò fach.

Ricci soslinhèt de mai que lo castèl aviá de partidas coma de pòrtas, de fenèstras o encara de mòbles bastits dins l’estil de Brunellesqui. En 1400 dengun podiá lo copiar encara. Fin finala, l’expèrt italian sus Brunellesqui confirmèt que i a, dins lo castèl, un camin prèp d’un mur que sembla a mand de tombar e aquò solament podiá èsser estat fach per Brunellesqui.

La familha Pucci, propietària del castèl en 1424, quora foguèt bastit per Brunellesqui, èran los que balhavan de sabla per bastir atanben la Catedrala de Florença e segon Ricci aquò tanplan es una pròva que restaca tornarmai la familha Pucci e Brunellesqui e doncas la catedrala de Florença e lo castèl ara en venta.

Tot aquò pr’amor que lo celèbre  arquitècte italian suenhava totjorn e personalament la qualitat dels materials emplegats per bastir la catedrala mas atanben las divèrsas òbras poliorceticas que bastiguèt, coma aquel castèl, entre d’autres.

Us de les cookies

aqueste sit web utiliza de cookies, tan pròpris coma de tèrças personas, per amassar d’informacions estatisticas de la vòstra navigacion e per vos ofrir un servici personalizat. Se contunhatz de navigar, consideram que n'acceptatz l'usatge. Mai d’informacion..


ACEPTAR
Aviso de cookies