JORNADA CATARA AL CASTÈL DE BARBENS
Francesc Sangar.- Lo passat 29 de Julhet es estada celebrada una nòva jornada consacrada a remembrar als Bons Òmes e las Bonas Femnas, al Castèl Templièr de Barbens, a la comarca catalana del Pla d’Urgelh.
José Luís Soler presentèt lo sieu projècte d’Itinerari Cultural Europèu “Camins dels Catars” e las escasenças qu’aufrís pels parçans catalanas mai occidentals. Aquel camin jonh lo nòrd del territòri valencian amb la mitica montanha de Montsegur. Aprés, lo director del Centre d’Estudis Catars de Barcelona, Eduard Berga, aufriguèt una conferéncia sus la preséncia del Catarisme a Tèrras de Lhèida. 
Un tema polemic
Las activitats matinalas finiguèron amb un debat sus las relacions entre los cavalièrs templièrs e los Bons Òmes, un tèma que provòca totjorn fòrça questions, e una visita pel meteis castèl de Barbens jol títol “Templièr per un jorn”.
Pendent la serada, los assistents a la jornada istorica podèron veire l’exposicion “Camins dels Catars, un itinerari cultural europèu”. La poetessa Montse Rubinat recitèt qualqu’unes dels poèmas del sieu libre “Tornar a nàisser”, presentat per Judit Ibós de la Comuna de Barbens.
Coma simbòl de la patz, la libertat e la memòria dels Bons Òmes, foguèt plantat un laurièr. La jornada finalizèt amb lo concèrt “En seguint las cançons dels trobadors e los Bons Òmes” amb la cantaira Anna Amigó. Una autra jornada per recuperar la memòria istorica del passat medieval dels Catars e los Templièrs.
