CATARISME A SANT PAU D’ALBOCÀSSER (PAÍS VALENCIAN)

Francesc Sangar.- Lo pròche dijòus 12 d’Octòbre totes los interessats en conéisser melhor lo movement dels Bons Òmes e las Bonas Femnas, los Catars, an una amassada a Sant Pau d’Albocàsser, al País Valencian. De presentacions, de conferéncias, de debats e de musica aufriràn una programacion culturala fòrça interessanta.

José Luís Soler, director de Servitur, explicarà cossí an amassat la sostenibilitat dins del projècte dels Camins dels Catars al parçan  valencian del Naut Maestrat (Alt Maestrat). Aprés, Eduard Berga, director del Centre d’Estudis Catars de Barcelona, aufrirà una interessanta conferéncia sus la preséncia del Catarisme a las tèrras jos contraròtle dels cavalièrs templièrs.

Debat suls catars 

Un debat suls Catars valencians de Jesús Huguet, del Conselh Valencian de Cultura, ensenharà als assistents l’importància de la preséncia dels Bons Òmes e las Bonas Femnas a las tèrras valencianas. Serà après presentat lo comic “Bobo & Guido i els camins càtars” amb lo sieu autor, David Segarra, qu’explica las aventuras dels personatges a travèrs dels ancians camins catars fins a Sant Pau d’Albocàsser.

Una visita a l'”Ermitori” de Sant Pau d’Albocàsser e las siás pinturas amb d’explicas de Pele Montañés e un concèrt de musica medievala d’arpa e votz d’Anna Amigó, amb lo títol d'”En seguint las cançons dels trobadors e los Bons Òmes” finiràn aquela interessanta jornada.