175.000 MERCÉS (o 600.000)
Mai de 170.000 còps mercés plan a totes vosautres pel vòstre supòrt. Sens aquò la revista d’istòria medievala en occitan Medievalòc poiriá pas existir. Nimai contunhar. Pr’aquò lo títol d’aqueste article, pr’amor qu’avèm escrich tanben per vosautres l’article numero 600 e, per ansin, volèm vos donar fins a 175.000 còps mercés. E mercés plan. De còr.
Totun, que tanben poiriam vos donar 600.000 còps mercés pr’amor que son estats 175.000 los usatgièrs que visitèron Medievalòc dempuèi la sieuna naissença ara fa sièis annadas, en 2018. O atanplan 600.000 còps pus mercés pr’amor qu’es lo nombre de paginas visitadas dins la revista. E tot aquò son de chifras que consideram bonas e qu’avèm volgut donar a conéisser.
Mai de 600 articles
L’article pus visitat “Teobald, comte de Bar” aguèt pus de 1.000 visitas. Apuèi ven l’article “La Conquista Catalana de Sardenha” (pus de 200 visitas). Ambedos articles pòdon nos donar una idèa del vejaire multiregional e multidialectal qu’a l’occitan uèi lo jorn. E cossí restacats son encara, maugrat la frontièra politica, de catalans e d’occitans.
Los legeires de Medievalòc pòdon tanben èsser classificats segon los païses e tanben segon las regions. Un 67% dels legeires son dels Païses Catalans e un 27% d’Occitània tota. Apuèi venon de legeires (benlèu atanben occitans) que demoran als Estats Units (25%) e los que legisson Medievalòc dins l’estat italian (aquí cal inclure de segur las Valadas Occitanas), amb un 17%.
Dins Occitània tota, los legeires tanben an diferéncias segon la region. Per ansin, fins un 43% son de la nòva region d’Occitània. Totun, fins a un 16% dels legeires de la revista se tròban en París e la region d’Illa de França. Apuèi venon los gascons e los lemosins de Nòva Aquitània, tanben amb un 16%, los provençals amb un 7,5%, e los auvernhats amb un 7,8 %. Un fach curiós son los nòstres amics bretons, que mòstran un interès grand per la nòstra lenga e cultura a travèrs d’un 1% dels legeires jornalièrs de Medievalòc.
Uèi l’article es sonque per vos mercejar a totes los legeires e confirmar que i aurà mai articles de d’istòria medievala , de cultura, de lengas, de geografia e de trobadors encara pendent fòrça temps.
Amb aquò volèm soslinhar que lo supòrt qu’avèm recebut dels legeires e los benevòls es plan naut e plan important per nosautres. I a actualament de sèrias sus la diversitat lingüistica a l’Euròpa medievala e sus de biografias de persnas plan restacadas amb la crosada de 1209. E n’i aurà encara mai, amb la vòstra ajuda e lo vòstre supòrt. Qué ne pensatz d’una sèria sus las lengas medievalas en defòra del continent europèu ? E vos desbrembatz pas d’escriure d’articles per la soleta revista de d’istòria medievala en lenga d’òc, la lenga nòstra, pr’amor que los benèvols son estats totjorn planvenguts. 175.000 mercés doncas (o 600.000 ) !
La còla de Medievalòc
