L’ESTAT CATALAN MEDIEVAL
Francesc Sangar.- La creacion d’una nacion es un periòde que s’alonga a travèrs del temps, e podèm pas confimar una data concrèta sovent. Mas la creacion d’un estat pòt aver una data. A Catalonha a existit la polemica referenciada a l’existéncia d’un estat catalan abans de l’an 1714, quand Catalonha pèrd la siuena sobeiranetat. La responsa es afirmativa, mas foguèt tanben un procès pendent gaireben tota l’Edat Medievala.
Pendent lo sègle VIIIn, coma responsa a l’envasion musulmana, sorgiguèron de comtats dependents de la monarquia carolingiana (Rosselhon, Urgelh, Palhars, Empúrias…). Lo comte Guifré de Barcelona atenguèt que los reis reconeguèsson los dreches de succession per los sieus descendents. Lo meteis comtat de Barcelona atenguèt mejançant divèrsas alianças una cèrta supremacia e l’an 988 lo comte Borrell II reviscolèt pas la siuena subordinacion a la monarquia carolingiana.
La naissença de la Confederacion
L’an 1137 lo comte Raimon Berenguièr IVn se maridèt amb l’eretièra del reialme d’Aragon. Naissiá la Confederacion catalana e aragonesa , compausada pel meteis Reialme d’Aragon e los Comtats Catalans (pas totes simultanèament).
Mas del temps qu’Aragon èra un estat (un reialme), Catalonha possedissiá pas cap mreconeissença coma estat, malgrat que dispausava d’”estructuras d’estat”, coma Corts (Parlament), una legislacion pròpria… Una situacion anacronica. E Malhòrca e Valéncia, incorporadas a lo domeni de la Corona d’Aragon, èran tamben reialmes sobirans.
Fin finala, e per resòlvre aquela situacion, lo rei Pèire lo Ceremoniós decidiguèt crear la Deputacion del General de Catalonha (la “Generalitat” en utilizant la nomenclatura actuala) l’an 1359 amb de foncions tributàrias e de seguretat publica basicament, mas abans, a la convocacion de las Corts celebradas a Perpinhan l’an 1350, es pel primièr còp utilizat lo tèrme “Principat de Catalonha”.
Aquela denominacion autrejava solament oficialitat a una realitat qu’existissiá dempuèi qualques sègles endarrièr, mas que cap de comte o monarca anterior aviá pas reconeguda oficialament. Coma conclusion, a la question se Catalonha aviá agut lo sieu pròpri estat abans de l’an 1714, la responsa es afirmativa. Coma Principat.
