LO BODISME DEL PRINCE SHOTOKU
CAM.- Lo Prince Shōtoku (574–622), atanben conegut coma prince Umayado o prince Kamitsumiya foguèt una politician, de còps legendàri, de l’epòca Asura de Japon, que serviguèt a l’emperairitz Suiko. Foguèt lo filh de l’emperaire Yomei e la princessa Anahobe no Hashihito que tanben èra la sieuna mièja sòrre. Pasmens, foguèt adoptat après pel prince Shōtoken.
Los paires del prince Shotoku èran familha del clan Soga e participèron en la desbranda del clan rival Mononobe. La granda majoritat de las fònts que ne parlan an coma origina la crónica Nihon Shoki. Uèi lo prince Shotoku es considerat una figura clau per comprene la modernizacion japonesa de l’administracion e per promòure lo bodisme en aquel país. Totjorn doas familhas demanèron qu’aperteniá al sieu clan.
La devocion al prince
La devocion japonesa al prince Shotoku foguèt bastida al long de divèrsas generacions. Coma protector del país e la familha imperiala e pel sieu bodisme. De personatges bodistas japoneses plan importants coma Saichō, Shinran e d’autres reclamèron n’èsser eretièrs.
Segon la tradicion doncas, Shotoku venguèt regent del Japon en l’an 593 nomenat per l’emperairitz Suiko, la siá tanta. Lo prince seguiguèt las ensenhanças bodistas e assagèt de començar un govern centralizat en Japon. O assagèt al long dels 6 o 7 ans que demorèt al poder. L’an 603 establiguèt un sistema jerarquic social nòu a la cort e passèt una nòva constitución de fins a 77 articles.
Shōtoku foguèt bodista e òm pensa qu’escriguèt lo Sangyō Gisho o Comentàris dels Tres Sutras. Lo primièr sutra foguèt comentat en l’an 615 e uèi es vist coma lo primièr tèxt jamai escrich en japonés. Solament pr’açò lo prince Shotoku ja pòt èsser considerat coma lo primièr escrivan japonés en japonés.
Shotoku tanben comencèt un grand projècte per espandir lo bodisme e ordonèt bastir lo temple de Shitennō-ji en Osaka après ganhar militarament los Mononobe. Lo sieu nòm tanben es restacat amb lo temple de Hōryū-ji, en Yamato. E amb d’autres temples tanben de la región de Kansai. Un escrich confirma que fondèt lo temple en 607. En 1939 los arqueològs confirmèron que Shotoku aviá demorat a l’ala èst del temple.
Tanben foguèt escrich que visitava sovent temples bodistas mas tanplan shintoistas. Una letra sieuna escricha al jove emperaire Yang de Sui confirma que lo primièr nòm que las illas japonesas foguèron identificadas coma Japon foguèt pr’amor d’el. Per Shotoku aquelas illas èra ont naissiá lo solelh. E aital usèt la frasa per descriure japon a las nacions estrangièras. Foguèt sepelit a Osaka.
Una legenda ditz que Bodhidharma (figura clau del bodisme mas pas lo meteies Boda) visitèt Japon e que Shotokku lo suenhèt e ajudèt. Escriguèt un poèma per o rebrembar totjorn. Pasmens, Bodhidharma moriguèt e quand lo tombèl foguèt puèi tornat a obrir i aviá pas dengun dins. L’escaisnòm del prince Shotoku, Kaifuso, totun, arribèt pas fins a mai de 100 ans aprés la siá mort, en 622.
Fotografia principala: Daderot/CC Search
