LOS ESLAUS QUE MARCHÈRON PAS

Michal Čukan.-Durant lo sègle VI pas totas las tribús eslavas abandonèron lo brèç territorial que partejavan, prèp dels paluns del Pripiat . Son coneguts los noms de tres tribús localas principalas que faguèron pas la granda migracion en doas ondadas- vèrs Occident e los Balcans- e que creèron lors domenis al nòrd de la localitat situada entre Ucraïna e Belarussia actualas. Los primièrs èran los Dregovichi, situats mai al sud ,mentre qu’al nòrd i vivián los Crivichis e en orient los Radimichis. Aquelas tres tribús eslavas convisquèron dins un airal dominat pels replanats e lors vesins foguèron las tribús balticas que foguèron parcialament absorbidas amb lo lent espandiment dels eslaus vèrs la linha formada pels fluvis rius Nemen e Litva.

Pendent de sègles, las melhors condicions climaticas causèron una creisença de la populacion evidenta que, a mai de la pression dels huns dempuèi orient e la pression a las tribus germanicas, entraïnèt un movement d’una part d’aquelas tribús eslavas en defòra de son luòc d’origina. Mas l’espandiment vèrs la mar Bàltica èra fòrça lenta gaireben s’arrestèt a l’entorn del sègle X al long del fluvi Nemen. Las relacions balto-eslavas èran mai lèu pacificas e de benefici mutual.

L’arribada d’una nòva populacion

Lo comèrci entre la mar Bàltica e la mar negra atraguèt lèu de guerrièrs e mercadièrs d’origina vikinga, nomenats variags qu’en la vila de Kiev formèron lor domeni principal amb de populacion locala, en donant origina al Rus, que pendent un primièr moment indicava lo domeni dels Variags, mas que lèu s’espandiguèt son nom a totes los eslaus orientals.

Per ansin, los russes mai ancians èran en realitat d’ancessors dels bielorusses, ucraïnians e russes actuals, mas en realitat jamai foguèt un grop omogenèu. Entre los ans 862 e 980 lo rus de Kiev se perfilèt coma un ais de poder dins la region, en resistint las pressions de las tribús esteparias, mentre que jos la siá ombra se formavan divèrses comtats de menor importància que gaudiguèron de divèrses nivèls d’independéncia durant lor existéncia. La figura centrala en la ierarquia eslava d’aquela epoca èra la del knez o knaz, una paraula que pòt voler dire prèire mas atanben cap. Lo concèpte correspondent dins la tradicion dels variags èra la del konung.

La primièra vila documentada dins l’actuala Bielarussia foguèt Polotsk, situada dins lo domeni dels Krivichs. Se pendent lo començament s’agissiá d’un comtat independent, lèu las doas vilas mas importantas del mond eslau oriental – Novgorod e Kiev- comencèron una lucha per son contraròtle. La dinastia variaga de Kiev, los ruriks, remplacèron pendent un cèrt temps çò que semblarián èsser lors pròches mai luenhans, la familha del comte de Polotsk nomentat Rohovlad, assasinat l’an 975…