FEMNA E LITERATURA MEDIEVALA A BARCELONA
Francesc Sangar.- D’interessantas jornadas a Barcelona consacradas a la preséncia femenina a la literatura medievala europèa organizadas per la Facultat de Filologia e Comunicacion de l’Universitat de Barcelona, l’Universitat de Santiago de Compostèla e l’Institut d’Estudis Catalans pendent los jorns 5, 6 e 7 de Març jol títol “L’espaci trobadoresc e las femnas: d’Autoras, de Mecenas, de Representacions”.
Pendent aquelas tres jornadas, los assistents auràn l’oportunitat de conéisser la preséncia femenina sustot dins la lirica trobadoresca mejançant una sèria de conferéncias impartidas per de grands estudioses e d’intellectuals sul tèma. Aquela lirica serà presentada tant sus la tradicion occitana coma sus la galhèga e portuguesa o la populara.
L’importància de la femna
E l’argument basic es presentar l’importància de la Femna en tres aisses. Coma d’autoras e poder mostrar la qualitat de lors creacions poeticas e mai que mai las “trobairitz”, coma la Comtessa Beatritz de Diá, malastrosament pauc conegudas encara. Coma de Mecenas perqué qualques damas nòblas ajudèron economicament e protegiguèron a lors corts qualqunes trobadors, en creant aital un ambient cultural e literari qu’avançava la futura Renaissença.
E, fin finala, coma Representacion dempuèi multiplas visions: la dama, la maire, la pastora, las “soldadeiras”, las “malmonjadas”… mas totjorn coma font d’inspiracion. E tòrna tanben l’exposicion “Donas medievalas. Realitat e ficcion” que foguèt exibida l’an passat amb succès a l’Universitat de Barcelona.
