LA PRIMIÈRA FIN DEL CASTÈL D’HOHENZOLLERN (1423)
CAM.- Lo castèl dels Hohenzollern foguèt l’ostal tradicional de la familha de princes e emperaires prussians e emperials germanics dels Hohenzollern. Uèi ei situat a Bisingen, a l’estat federat de Baden-Württemberg. Lo castèl es sus una montanha de mai de 855 mètres de nautor. Las montanhas de la region son nomenadas tanben Hohenzollern.
Lo primièr castèl medieval del comtat de Zollern foguèt ja nomenat pel primièr còp l’an 1267, mas los arqueològs confirmèron que foguèt bastit al sègle XI. Aquel primièr castèl foguèt destrusit per la Liga de Suabia en 1423, après una annada de sètge. La causa ne foguèt la lucha tre lo comte Federic XIIn de Zollern, enemic declarat de las vilas de Suabia, feu de l’emperaire.
Renáisser aprés la guèrra
Frederic von Zollern decidiguèt apuèi assajar de tornar a la sieuna familha la glòria passada, mai que mai, dempuèi l’an 1402, quora divèrsas devessions territorialas entraïnèron una reduccion del territòri feodal d’aquela familha. Caliá tornar a comprar o conquistar de terrens perduts aprés la Guèrra contra la Liga de Suabia e tornar la gloria passada als Hohenzollern.
Lo territòri de la familha, totun, demorèt devessit tornarmai tre los fraires Oettinger e Friedrich I. Lo castèl dels Hohenzollern, la vila de Hechingen e un molin demorèron coma proprietat comuna per totes los membres de la familha. Aquò foguèt aital pr’amor qu’ambedós fraires luchavan sovent entre eles e caliá balhar tanben un pauc de patz a tota la familha.
Pasmens, la situacion economica de la familha Hohenzollern venguèt, al long del sègel XVn, pièger. Malgrat que qualcunas possessions dels Hohenzollern foguèron vendudas al comte de Württemberg, la patz economica arribèt pas. En mai d’aquò, vendre lo territòri als Württemberg èra pas ideal, pr’amor qu’aquela familha èra la principala enemiga dels Hohenzollern e, se la familha voliá subreviure, caliá arrestar aquelas ventas.
Tot comencèt en 1422 quora Friedrich I tornèt a declarar la guèrra a la vila de Rottweil, per la conquistar. Èra una vila imperiala e doncas, lo movement èra dangierós. Aquel meteis an las vilas de la Liga de Vilas de Suabia s’alièron amb Friedrich mas tanben amb los comtes de Württemberg. Malgrat tot aquò, Frederic liurèt lo castèl a l’armada imperiala aprés dètz meses de sètge. Lo ganhaire del sètge foguèt Zollernborg, un autre enemic dels Hohenzollern. L’emperaire Segismund ordonèt destruire lo castèl per punir los Hohenzollern e tanben ordonèt que foguèsse jamai tornat a bastir.
Puèi, en 1426, e aprés la fugida posteriora de Zollernborg per d’autras causas, Friedrich I signèt la patz amb Frederic, mas foguèt arrestat per la comtessa Henriette von Mömpelgard e demorèt en preson dempuèi l’an 1428 fins a l’an 1440. Quora moriguèt Friedrich I en 1439, lo castèl demorèt en mans d’Oettinger, almens fins a l’an 1443.
Foguèt justament la vidoa de Friedrich, Anna von Sulz , qui demanèt al comte de Württemberg lo castèl, car la situacion economica de la familha dels Hohenzollern, alara, èra plan marrida. E lo castèl demorava en mans del comte de Württemberg. La decision demorèt, pasmens, qualcunas annadas, car la Familha dels Hohenzollern aguèt pas cap permission per tornar a bastir lo castèl fins a l’an 1454.
Lo segond castèl dels Hohenzollern foguèt finit en 1461. Es anecdotic conéisser que lo segond castèl dels Hohenzollern tornèt a èsser atacat per l’armada de Württenberg pendent la Guèrra de 30 ans, car los Württenberg foguèron luterans e los Hohenzollern catolics. Puèi, al sègle XVIII, encara foguèt atacat pels franceses. Lo castèl actual foguèt bastit sonque en 1867 pel rei de Prussia, qu’apertenguèt tanben a la familha imperiala dels Hohenzollern.
