Mond

LA VENJANÇA COMA POLITICA

Christian Andreu.- Japon demorèt un dels periòdes mai complèxes de tota la sieuna istòria pendent lo sègle XIVen. D’efièch, la politica de la còrt imperiala de Kyoto venguèt tan complèxa que se produsiguèt una secession territoriala. Aital, e pr’amor de divèrsas causas que la mai importanta ne foguèt la non division e repartiment de tèrras entre los samurais après la guèrra contra los mongòls en 1281, naisseriá una nòva còrt amb un nòu emperaire; Go-Daigo, tre l’an 1336 e qu’aguèt Yoshino coma capitala.

Ashikaga Tadayoshi acceptarà pas son futur e començarà una revòlta contra son fraire Takauji.

Totun, la vila de Kyoto demorèt tanben capluòc de l’Empèri Japonés amb l’emperaire Komio, que poguèt subreviure fins la destruccion finala de la còrt de Yoshino en 1392, pr’amor qu’aguèt totjorn la proteccion militara d’un dels clans (e shoguns) mai poderoses de l’epòca; los fraires Ashikaga Takauji e Ashikaga Tadayoshi.

Lo periòde, conegut dins l’istòria japonesa coma Namboku-cho, foguèt una epòca que los divèrses clans de guerrièrs, samurais e senhors feudals amb lors armadas luchèron pendent mai de 50 annadas per assajar de conquistar la capitala contrària. E una d’aquelas, la quita Kyoto, foguèt a mand de dessaparéisser coma capluòc del país pendent çò qu’es conegut coma l’Incident de Kanno. Un afar familiar entre de fraires que desestabilizèt lo país pendent 2 ans e que gaireben entraïnèt la victòria finala e totala de la còrt de Yoshino.

L’incident de Kanno

Tot aquò se debanèt quora l’enemistat dels dos fraires Ashikaga, qu’avián lo shogunat e doncas lo poder real del país a la còrt del nòrd, esclatèt, e arribèt a la venjança personala. Apuèi una victòria militara contra la còrt de Yoshino, Ashikaga Takauji nomentèt Ko no Moronao son shijutsi (ajudant primièr). Son fraire Ashikaga Tadayoshi aimaba brica Moronao e doncas assagèt mai d’un còp, tra las annadas 1350 e 1351, de l’expulsar del Conselh d’Estat Imperial. Fin finala, assagèt de l’assassinar directament. Lo complòt descobèrt, Moronaro demandarà que Tadayoshi quite lo govèrn e marche vèrs l’exili de la còrt coma monge bodista.

De guerrièrs, samurais e senhors feudals amb lors armadas luchèron pendent mai de 50 annadas per assajar de conquistar la capitala contrària.

Ashikaga Tadayoshi acceptarà pas son futur e començarà una revòlta contra Moronao, son fraire Takauji e lo quite emperaire del nòrd, Suko. Tadayoshi faguèt la soleta causa que podiá far: Fugiguèt al sud, a la còrt de Yoshino. Ailà, l’emperaire Murakami lo nomentèt general de sa armada. Amb lo fraire fugitiu arribèron de milièrs de guerrièrs e samurais qu’èran pas d’acòrd amb la politica de division de tèrras de Takauji.

Tadayoshi gausirà pendent un periòde cuèrt de la victòria. Desfachat militarament, Takauji abandonarà Kyoto, que serà conquistat per son fraire Tadayoshi e la sa armada, atanben coma Kamakura. Tota la familha de Ko Moronao serà capturada e assassinada. Foguèt alara que lo sud e Yoshino aguèron lo triomf en la man.

Mas en 1352 Tadayoshi patirà una desfacha contra l’armada de Takauji en Satayama. Los fraires assajaràn d’arribar a una patz territoriala e atanben personala fins a dos còps. Mas Tadayoshi tornarà se revoltar amb una nòva armada. Aquò serà lo ponch final per Takauji, que decidirà enpoisonar son fraire.

Malurosament per la vila de Kyoto aquò entraïnèt pas la victòria finala sus Yoshino e lo sud. Solament foguèt un dels episòdis militars (tras qu’ordinaris, òc) d’una guèrra civila que demorèt prèp de 60 annadas. Quora finiguèt, Japon dintrariá dins una nòva edat e lo periòde Namboku-cho finiriá per totjorn.